DIRISHA LA USAJILI LAFUNGWA RASMI: Fullham,Sunderland,Arsenal na Chelsea wamekamilisha Usajili

Kujiamini: Kurt Zouma amejiunga na Chelsea lakini atabakia St Etienne kumalizia msimu

MOURINHO ASAINI BEKI LA KATI CHELSEA KINDA LA MIAKA 19 KUTOKA UFARANSA

KOCHA Jose Mourinho amekamilisha usajili wa Kurt Zouma kutoka klabu ya St-Etienne.

Chelsea imekubali kulipa ada ya uhamisho ya Pauni Milioni 12.5 kwa ajili ya beki huyo wa kati kinda wa umri wa miaka 19, ambaye atabakia Ufaransa kumalizia msimu.

FULHAM YAMSAINI LEWIS KUTOKA SPURS KWA MKOPO

KLABU ya Fulham imethibitisha kumsajili kwa mkopo Lewis Holtby kutoka Tottenham.

Kiungo huyo amekuwa akisotea namba kikosi cha kwanza Spurs tangu awasili kutoka Schalke Januari mwaka jana.

Atabakia Craven Cottage hadi mwishoni mwa msimu, na anakuwa mchezaji wa tatu kusajiliwa na Rene Meulensteen katika dirisha hili lausajili.

Mtu mpya: Lewis Holtby akiwa ameshika jezi ya Fulham baada ya kuwasili akitokea Tottenham

Fullham pia imemsajili Mitroglouili kuziba pengo la dimitar Berbatov aliye timkia Monaco

MCHEZAJI WA ARSENAL ASAINI DARAJA LA KWANZA NA KUSEMA; "JINSI GANI NITASOTEA MADEMU"

KIUNGO wa Arsenal, Emmanuel Frimpong amesaini klabu ya Daraja la Kwanza Barnsley from Arsenal kwa ada ya uhamisho ambayo haikutajwa.

Baada ya kusaini timu hiyo, kinda huyo akatweet: "How am I gonna draw girls now" akimaanisha atakuwa na wakati mgumu mno kuwavutia mademu - ingawa baada ya muda mfupi tu akafuta.

Mchezaji huyo mwenye umri wa miaka 22 amesaini kupiga kazi Oakwell hadi Juni 2014.

Nitapataje mademu sasa: Emmanuel Frimpong akiwa na jezi ya Barnsley baada ya kusaini akitokea Arsenal

SUNDERLAND YASAINI KIUNGO MPYA

KIUNGO Liam Bridcutt amekamilisha usajili wa Pauni Milioni 2.5 kutua Sunderland akitokea Brighton, akiwa mchezaji wa tano kusajiliwa na Gus Poyet dirisha hili la usajili.

Kiungo huyo mwenye umri wa miaka 24, alisafiri kwenda Wearside Alhamisi kujadili usajili wake na Black Cats ambao aliukamilisha leo asubuhi.