ARSENAL WALAZIMISHWA SARE YA 2-2 NA SOUTHAMPTON …

ARSENAL imetia doa mwenendo wake wa Ligi Kuu ya England baada ya kulazimishwa sare ya 2-2 na Southampton.

Matokeo hayo yanauweka rehani uongozi wa Arsenal kileleni mwa Ligi Kuu na iwapo Chelsea na Manchester City zitashinda michezo yao ya Jumatano usiku, washika bunduki hao watasogezwa hadi nafasi ya tatu.

Southampton waliokuwa wenyeji, walitangulia kupata bao katika dakika ya 21 kupitia kwa Fonte, bao lililodumu hadi mapumziko.

Arsenal wakasawazisha dakika ya 48 mfungaji akiwa ni Giroud.

Dakika sita baadae Arsenal wakazidi kuchanua baada ya Cazorla kufunga goli la pili.

Hata hivyo sherehe za Arsenal hazikudumu kwani iliwachukua Southampton dakika mbili tu kusawazisha kupitia kwa Lalana.

Arsenal wakapata pigo dakika ya 80 baada ya kiungo wao Flamini kufanya rafu ya kijinga na kulambwa kadi nyekundu.

Flamini sasa atakosa michezo mitatu: February 2: Crystal Palace (nyumbani), February 8: Liverpool (ugenini), February 12: Manchester United (nyumbani).

Southampton: Boruc 5, Chambers 6, Fonte 7, Yoshida 5, Shaw 7, Cork 5, Schneiderlin 5, S. Davis 5 (Do Prado 90), Lallana 7, Rodriguez 6, Gallagher 6 (Ward-Prowse 70, 6).

Arsenal: Szczesny 5, Sagna 6, Mertesacker 5, Koscielny 5, Monreal 4, Arteta 5, Flamini 3, Ozil 6, Cazorla 7 (Gibbs 86), Gnabry 5 (Oxlade-Chamberlain 70, 7), Giroud 7 (Podolski 90.